Poetry About Mother In Urdu
Suuna suuna sa mujhe ghar lagta hai,
Maan nahin hoti, mujhe dar lagta hai..
Waqt ki karri dhoop mein dhaal ban jati hai,
Mere aansu jo bahe’n to rumaal ban jati hai,
Jis roz maan ki duayain na samait kar mein nikloon,
Us roz yeh zindagi bhi wabaal ban jati hai,
Jo log azmat maan ki pehchaan ke chalte hain,
Taareekh mein bhi un ki misaal ban jati hai,
Maan ho agar saleeqa’mand aur ba’shaoor, Waqas,
Us ke saaye mein shakhsiyat bakamaal ban jati hai..
Kehta tha na mujh ko pardes bhejo maan,
Ab mery baghair eid kaisy manao gi maan,
Sab k bety jab aayen ge eid parh ke,
Tum darwazy mein khari takti reh jaogi maan,
Saway’yan jab bantny lago gi mohally mein,
Tumhari palk aanson se bheeg jaye gi maan,
Sham tak bhi jab na pohnch paonga ghar,
Tery dil ki dharkan jaisy ruk si jayegi maan,
Eid parh kr jab wapis aaonga duty pe,
Tasali ye dil ko de kr so jaonga maan,
Eid ka kiya hai agly saal phir ajyegi maan..
Mujhe apni aagosh main shifqat dedo
Mere mathe par lab-e-mohabbat rakh do
Mujhe methi lori suna kar
Mere sare gham mita kar
Apne sene ki thandak main chupalo
Ae maa _ _ _
Muddat hoi main roya nahi houn
Kai ratain kat gaein main soya nahi houn
Meri zindagi mari khushi meri chahat he meri maa
Meri mohabbat mera ishq meri dewangi he meri maa
Mere dukho main hoti hain jis ki aankein aashbar
Meri zindagi ka hasil he meri maa
Meri khushyoun ki mere dukh sukh ki sathi
Wo piyari si hasti he meri maa
Meri kamyabioun meri manziloun ki talab
Har pal duain mangti he zaid jo mere waste meri maa
Poetry About Mother
Zara si chot lage to aanso bha deti he
Sukoon bhari god main hum ko sula deti he
Hum karte hain khata to chutki main bhola deti he
Hote hain khafa to dunya ko bhola deti he
Mat gustakhi karna us ‘Maa’ se_zaid
Jo apne bacho ki chah main apna aap bhula deti he